“என் விகடனில்” என் வலைப்பூ

இந்த வாரம் (03/10/2012) “என் விகடன்” கோவை பதிப்பில், வலையோசை பகுதியில்  என்னுடைய இந்த “சுவடுகள்” வலைப்பூவில் இருந்து இரண்டு கட்டுரை வெளியாகி உள்ளது. ஒன்று “வழக்கு எண்” திரைப்படத்தை பார்த்த போது அழிந்து வரும் கூத்துக்கலையை பற்றி எனக்குள் எழுந்த எண்ணங்களின் பதிவு. மற்றொன்று என்னுடய கல்லூரி காலங்களில் இயக்குனர் செல்வராகவனின் திரைப்படங்கள் எனக்குள் ஏற்படுத்திய தாக்கங்கள், அதனூடே உருவான என் சினிமா கனவு, வலிகள், என் லட்சியப்பாதையை மாற்றிய சில நிதர்சனங்கள் உள்ளடக்கிய என் கடந்த கால வாழ்க்கை அனுபவங்கள்.

இதை எழுதும்போது என் வாழ்கையை யார் படிப்பார்கள் என்று தயக்கத்தோடு தான் முதலில் எழுதினேன். ஆனால் நடந்ததோ வேறு. அதை படித்துவிட்டு சில முக்கிய சினிமா பிரமுகர்களிடம், எழுத்தாளர்களிடம் இருந்து வந்த கருத்துக்கள் என்னை எழுத்துப்பயணத்தில் அடுத்த கட்ட பாய்ச்சலுக்கு உத்வேகப்படுத்தியது. தங்கள் வாழ்க்கையே தாங்கள் திரும்பிப்பார்த்ததாக அதை படித்த பலர் கூறக்கேட்டபோது அந்த கட்டுரையை எழுத நான் எடுத்த சிரத்தை காணாமல் போனது. ஊக்கப்படுத்திய பல கருத்துக்கள், மின்னஞ்சல்கள், தொலைபேசிகள்… அனைத்திற்கும் மேலாக ஒரு நாள் அதை படித்துவிட்டு மிகவும் நெகிழ்ச்சியாக இருந்தது என்று தொடங்கிய ஒரு மின்னஞ்சல் செல்வராகவனிடம் இருந்து வந்ததுதான்.

இப்போது அந்த பதிவு விகடனில். மிகவும் நீளமான அந்த பதிவை அதன் சாரம் குறையாமல் செதுக்கிய விகடனிற்கு என் நன்றிகள். சில மாதங்களுக்கு முன்னர் என் விகடன் அட்டை படத்தில் என் புகைப்படத்துடன் என்னை பற்றி கட்டுரை வந்த போது இல்லாத ஒரு சிலிர்ப்பு இப்போது என் எழுத்தை விகடனில்  காணும்போது கிடைக்கிறது. அது மட்டுமில்லாமல் “ஆனந்த விகடனிலும்”, “ஜூனியர் விகடனிலும்” அந்த கட்டுரைக்கு வாசகர்களை கவர அவர்கள் கொடுத்த விளம்பரம் என்னை மிகவும் ஆச்சர்யப்படுத்தியது.  நிச்சயம்  இதோடு முடியபோவதில்லை விகடனுக்கும் எனக்குமான பந்தம் என்று எனக்கு நம்பிக்கை இருக்கிறது. ஏனெனில் என்னுடைய எழுத்தை அடுத்தக்கட்டத்திற்கு எடுத்துச்செல்ல அவர்கள் குடுத்த நம்பிக்கை என்னிடம் இருக்கிறது. ஆப்டர் ஆல் ஒரு நம்பிக்கையில் தானே இந்த வலைப்பூவே தொடங்கப்பட்டது.

இதோ “என் விகடனின்” சுட்டி
http://en.vikatan.com/article.php?aid=24213&sid=684&mid=32

வெளியான இரண்டு பதிவின் நேரடி சுட்டி:

1. செல்வராகவனுடன் சில நிமிடங்கள், பல நினைவுகள்…
http://www.cpraveen.com/suvadugal/meeting-with-selvaraghavan/

2. வழக்கு எண் 18/9ம் – என் மன உறுத்தலும்
http://www.cpraveen.com/suvadugal/vazhakku-en-18-9/

ஆனந்த விகடனிலும், ஜூனியர் விகடனிலும் வெளியான என் கட்டுரையின் விளம்பரம்.

selva suvadugal

Share

2 Responses to “என் விகடனில்” என் வலைப்பூ

  1. மேன்மேலும் சிறக்க வாழ்த்துக்கள் நண்பரே…

  2. மகிழ்ச்சி.
    வாழ்த்துகள்.

Leave a Reply

Your email address will not be published. Required fields are marked *

Enable Google Transliteration.(To type in English, press Ctrl+g)