Tag Archives: சுவடுகள்

பாதச்சுவடுகள் – 2 (23/01/2014) – கோலிசோடா

Director Vijay Milton & Praveen Kumar C

05 ஜனவரி 2015:

ஒளிப்பதிவாளரும், இயக்குனரும், தயாரிப்பாளரும், எனது இனிய நண்பருமான விஜய் மில்டன் அவர்களுக்கு பிறந்தநாள் நல்வாழ்த்துக்கள்.

வனயுத்தம் படப்பிடிப்பு சேலத்தின் அருகில் நடந்துக்கொண்டிருந்தபோது அந்த படத்தில் வசனகர்த்தாவான நண்பர் அஜயன் பாலா மூலம் அவரின் அறிமுகம் கிடைத்தது. அறிமுகமான சிலநோடிகளிலேயே செலிப்ரிட்டி என்ற பந்தா துளியும் இல்லாமல் மிகச்சாதாரணமாய் பழகிய, உரையாடிய, அந்த பண்பு எனக்குள் ஏற்ப்படுத்திய ஆச்சரியம் இன்னும் என்னில் இருந்து விலகவில்லை. என்னிடம் மட்டும் இல்லை, அவரிடம் பழகிய அனைவரும் அவரின் பண்பை கூறக்கேட்க்கும் போது அவரின் மேல் மரியாதை இன்னும் தான் எனக்கு அதிகமானது.

அதன் பிறகு அவரே தாயரித்து இயக்கிய “கோலிசோடா” படப்பிடிப்பிற்கு சேலம் வழியாக கேரளா செல்லும் போது, என் வீட்டிற்க்கு வந்து என்னையும் “வாங்க ப்ரதர் ரெண்டு நாள் சுற்றுலா போயிட்டு வரலாம்” என்று அழைத்துச்சென்றார். அந்த படத்தில் என்னை ஆன்லைன் ப்ரோமோஷனில் பணியாற்றவைத்த அந்த நட்பு, படத்தின் வெற்றிக்கொண்டாட்டத்தின் போது சேலத்திற்கு வந்த அந்த திரைப்படக்குழு அனைவரையும் எங்கள் வீட்டிற்க்கு அழைத்துவந்து எங்கள் குடும்பத்தினரை மகிழ்ச்சியில் திக்குமுக்காடவைத்தது. (சொல்லப்போனால் இதை போன்ற இன்னும் பல அனுபவங்களை ஒரு கட்டுரையாகவே எழுதலாம். )

Goli Soda Movie Team at our home

மாதங்கள் பல ஓடிவிட்டது. கோலிசோடாவின் வெற்றிக்குப் பிறகு தமிழ் சினிமாவின் முக்கிய இயக்குனராக வீற்றிருக்கும் அவர், தற்போது விக்ரமை வைத்து “பத்து என்றதுக்குள்ள” என்ற திரைப்படத்தை மிகுந்த பெரும்பொருட்செலவில் இயக்கிவருகிறார். சென்ற மாதம் அதன் படப்பிடிப்பு கோவையில் நடந்துக்கொண்டு இருந்தபோது அங்கு அம்மாவை அழைத்துச்சென்றிருந்தேன். அவர்கள் இதுவரை படப்பிடிப்பு எதுவும் நேரில் பார்த்ததில்லை என்பதால் ஒரு புது அனுபவமாக இருக்கும் என கருதினேன். மிகவும் பரபரப்பாக இயங்கிவரும் விஜய் மில்டன் அவர்களை கிட்டத்தட்ட ஒரு வருடம் கழித்து சந்திக்கிறேன். ஆனால் அப்போது அது மதிய உணவு இடைவேளை. உணவருந்த ஹோட்டலிற்கு சென்றவிருந்த எங்களை கட்டாயப்படுத்தி “நம்ம எங்க வேணும்னாலும் சாப்பிடலாம் ப்ரதர். அம்மா இருக்காங்க இல்ல.” என்று அவரின் “கேரவனில்” அழைத்து எங்களுக்கு உணவு தருவித்தார்.

கட்டுபடுத்தப்பட்ட பெரும்மக்கள் கூட்டத்தின் நடுவே தன்னுடைய கேரவனில் இருந்து ஒரு முக்கிய காட்சியில் நடித்துவிட்டு மீண்டும் கேரவணிற்கு சென்றார் விக்ரம். வேறு இடத்திற்கு படப்பிடிப்பை மாற்றுவதற்கு படக்குழுவும் பரபரப்பாக சுழன்றுக்கொண்டு இருந்தது. வீட்டிற்க்கு கிளம்ப ஆயத்தமான எங்களை அந்த கேரவணிற்கு அழைத்து சென்று “விக்ரம்” என்ற இன்னொரு இனிய மனிதரை அறிமுகம் செய்துவைத்து ஆச்சர்யப்படுத்தினார். என் அம்மாவிற்கு அந்த காரவேனில் நடந்த உரையாடல்கள் நிகழ்வுகள் அனைத்தில் இருந்தும் வெளிவர பல நிமிடங்கள் பிடித்தது. இவ்வளவு உயரத்திற்கு சென்றும், தன் காலை அழுத்தமாக தரையில் பதித்து நடக்கும் பண்பு நிச்சயம் நாம் அவரிடம் கற்றுக்கொள்ளவேண்டிய ஒன்று.

சென்ற வருடம் எழுதி இருந்தேன். அவரின் மிகபெரிய பிறந்தநாள் பரிசாக கோலிசோடாவின் வெற்றி கிடைக்குவேண்டும் என. அதே போல் இந்த வருடமும், புத்தாண்டு பரிசாகவும், அவரின் பிறந்தால் பரிசாகவும் “பத்து என்றதுக்குள்ள” படத்தில் வெற்றி கிட்டி, தமிழ் சினிமாவின் தவிர்க்கமுடியாத இயக்குனர் பட்டியலில் அவர் பெயரை நிரந்தரமாகிக்கொள்ள வேண்டிக்கொள்கிறேன். காலன் “நூறு என்றதுக்குள்ள”, அவர் இன்னும் பல சாதனைகள் புரிந்து, இன்னும் பல உயரங்கள் அடைந்து ஆனால் அதே உயர்நிலை பண்போடு வாழ்ந்திட இறைவனை பிராத்திக்கிறேன்.

(சுமார் மூன்று வருடங்களுக்கு முன்னர் முதல் சந்திப்பின் போது எடுத்த புகைப்படம் கீழே. நாங்கல்லாம் அப்பவே செல்பிபுள்ள! )

vijay milton -  ajayan bala  - praveen

/////////////////////////////////////////////////////////////////////////////////////////////////////////////

யோசித்துப்பார்த்தால் இவ்வுலகத்தில் அனைத்து திறமைசாலிகளின் ஆரம்பக்கட்டபோராட்டம் தனக்கான ஒரு அடையாளத்தை நிறுவிக்கொள்வதை நோக்கியே தான் இருக்கும். அதைத்தாண்டிய பணம், புகழ் இத்யாதிகள் அனைத்தும் அவரவர் தனிப்பட்ட முற்ச்சியின் பலனும், கிடைக்கப்பெறும் அங்கீகாரத்தின் அளவைப் பொறுத்த பிரதிபளிப்புமே. சொல்லப்போனால் திறமைசாலிகள் அனைவரையும் இவ்வுலகம் எளிதில் அங்கீகரிப்பது இல்லை. சிலசமயம் போராட்டங்கள் தேவை. சில சமயம் பெரும் போராட்டங்கள் தேவை. இன்னும் சில சமயத்தில் வாழ்நாள் முழுவதும் இந்த போராட்டம் முடிவில்லாமல் தொடர்ந்துக்கொண்டே இருக்கும். அதுவும் சினிமாத்துறையில் இந்த போராட்டக்களம் கொஞ்சம் ரணமானது.

சென்னை கே.கே நகரில் பெயர் தெரியா ஒரு திருமணமண்டபத்தில் அவரை முதன்முறை சந்திக்கிறேன். ஆனால் அது திருமணவிழாவோ அல்லது வேறு ஏதேனும் ஒரு நிகழ்ச்சியோ அல்ல.  கோலிசோடா படத்தின் சண்டைகாட்சியின் ஒத்திகை அப்போது அங்கு நடந்துக்கொண்டு இருந்தது. அதன் இயக்குனர் விஜய் மில்டனை ஒரு வேலை நிமித்தமாக சந்திக்கச்சென்றேன். (மண்டபத்தின் உள்ளே நுழைய முற்படுகையில், தாடியுடன், நெட்டையாக ஒரு மனிதர் என்னை உள்ளே நுழையவிடாமல் தடுத்து நிறுத்தி விசாரித்து விட்டு தான் அனுப்பினார். கொஞ்சம் கெடுபிடி மனிதர் போல. ஏற்கனவே ஒரு நாள் அந்த படத்தின் ஷூட்டிங்கின் போது என்னை அங்கே முதலில் அனுமதிக்காமல், பிறகு விளக்கம் கொடுத்தவுடன் தான் அனுமதித்தார். இந்த முறை என்னை மறந்திருந்தார் என நினைக்கிறேன். அவரை பற்றி பிறகு வருகிறேன்.)

படத்தில் நாயகர்களான நான்கு பசங்களும், ஸ்டண்ட்மேன்களுடன் மோதிக்கொள்ளும் காட்சி அங்கு ஒத்திகை நடந்துக்கொண்டு இருந்தது. அப்போது அங்கு வியர்வை நனைத்த டி-ஷர்ட், ஷார்ட்ஷுடன் ஒருவரை இயக்குனர் அறிமுகப்படுத்திவைத்தார். அவர் தான் அந்த படத்தின் ஸ்டண்ட் மாஸ்டர் சுப்ரீம் சுந்தர். மிகப்பரபரப்பாக  அனைவருக்கும் சண்டைபயிற்சி அளித்துக்கொண்டு இருந்த அவர்,  முகத்தில் வியர்வை சொட்ட சொட்ட கைக்குளுக்கிவிட்டு மீண்டும் தன் பணியை தொடரஆரம்பித்தார். அவ்வளவுதான் எங்கள் முதல் அறிமுகம்.

பின்னொரு நாள் கேரளாவில் நடந்த படப்பிடிப்பின் போது நானும் அவரும் ரூம் மேட். அப்போதுதான் இருவருக்கும் நன்கு அறிமுகம் கிடைத்தது. அவர் தொழில் வேண்டுமானால் சண்டை பயிற்சி இயக்குனராக இருக்கலாம். பார்க்க கூட கரட முரடாக இருக்கலாம். பேசும் மொழியும் சென்னைசெந்தமிழ் தான். ஆனால் பழக மிகவும் மென்மையான மனிதர். பலமணிநேரம் இருவரும் தொடர்ந்து உரையாடியிருப்போம். இருவருக்குமான பலவருட நிகழ்வுகள் அனைத்தும் அப்போதே பரிமாறிக்கொண்டோம். என்னுள் மிகப்பெரியதாக்கத்தை ஏற்படுத்திய காதல் கொண்டேன் படத்தில் அவர் மாஸ்டர் ஆவதற்கு முன்னர் பணிபுரிந்தார் என்ற ஈர்ப்பு மேலும் அவரிடம் நெருக்கப்படுத்தியது. அதன் பிறகு  பல படங்களில் ஸ்டண்ட் மாஸ்டராக அவர் பணிபுரிந்திருக்கிறார்.

நகுல், அருண் விஜய், பிரசன்னா, சத்தியராஜ்  என பல நடிகர்களின் படங்களில் தான் இயக்கிய சண்டைக்காட்சிகளை  தனது ஐபேட்டில் காண்பித்தார். எல்லாமே அட்டகாசம். பிரமாதமான உழைப்பு. ஆனால் அனைத்தும்  விழலுக்கு இறைத்த நீராகதான் போனது. தான் பணிபுரிந்த பெரும்பான்மையான படங்கள் வணிகரீதியாக வெற்றிபெறாத காரணத்தினால் தனது உழைப்பு அதுவரை கவனிக்கப்படமாலே போய்க்கொண்டிருந்தது. தனது திறமைக்கான அங்கீகாரம் சரிவர கிடைக்காமல் போனதன் வருத்தம் அவருக்கு இருந்தது. இருந்தும் கொஞ்சமும் அசராத உழைப்பு. மனம் தளராமல் அவர் முயற்சி தொடர்ந்தது.  கோலிசோடா படத்தில் தொடர்ந்து மூன்று நிமிடத்திற்கு மேல் நடக்கும் சண்டைக்காட்சியை ஒரே ஷாட்டில் படமாக்கும் வகையில் இயக்கி இருந்தார். இதுவரை எந்த சினிமாவிலும் செய்திடாத சாதனை அது. (கடைசி நேரத்தில் படத்தொகுப்பில் அதன் நீளம் சற்று குறைக்கப்பட்டது). நிச்சயம் இந்த திரைப்படம் அவருக்கு அங்கீகாரம் பெற்றுத்தரும் என்று அனைவரும் நம்பினோம். அவரும் பெரிதும் நம்பினார்.

அடையாளத்தை தேடிச்செல்லும் இளைஞர்களின் கதையை எடுத்துக்கொண்டு, அடையாளங்களை தேடிக்கொண்டிருக்கும் சக கலைஞர்கள் அனைவரையும் ஒருங்கிணைத்து, தனது அடையாளத்தை நிலைநாட்ட இயக்குனர் விஜய் மில்டனே தயாரித்து இயக்கிய படம் தான் கோலிசோடா. படம் சென்ற வருடத்தில் மிகபெரிய ஹிட் என்பது அனைவரும் அறிந்ததே. ஒவ்வொரு தியேட்டரிலும் சண்டைகாட்சிகளில் விசில் பறந்தததை படக்குழுவினருடன் சென்று கண்கூடாக பார்த்தோம். படத்தை மக்கள் வெறுமனே ரசிக்கவில்லை, கொண்டாடினார்கள். சேலம் கைலாஷ் பிரகாஷ் தியேட்டரில் படக்குழுவினர் அனைவரும் சென்ற போது, பாதுகாப்பிற்கு வந்த ஒரு இன்ஸ்பெக்ட்டர் ஒருவர் “சண்டை பயிற்சியாளர் யார்?” என்று கேட்டறிந்து வந்து. கிட்டத்தட்ட அரைமணி நேரம் அவரை பாராட்டியும், சின்ன சின்ன நுணுக்கங்களை சிலாகித்தும் பேசினார்.  (துண்டில் பிளேட் வைத்து சண்டைபோடும் நுணுக்கத்தை கண்டு ஒரு போலிஸ்காரராக  அவர் பகிர்ந்துக்கொண்ட ஆச்சர்யங்கள் உண்மையில் அன்றே கிடைத்த பெரிய அங்கீகாரமாகப்பட்டது).

இப்போது அத்திரைப்படத்தில் பணிபுரிந்த அநேகமானவர்களும் புதிய படங்கள் ஒப்பந்தமாகி அடுத்தகட்டத்திற்கு நுழைந்துவிட்டார்கள். (நான் சொன்ன அந்த நெட்டையான தாடிவைத்த நபர் வேறு யாருமல்ல. சென்றவருடம் வெற்றிகரமாக ஓடிய இன்னொரு திரைப்படமான “சதுரங்கவேட்டையின்” இயக்குனர் வினோத்)  படம் இப்பொழுது வெளிநாட்டில் பல திரைப்பட விழாவில் பங்கேற்று  பாராட்டுக்களை குவித்து வருகின்றன.

இந்த சூழ்நிலையில் விகடன் 2014காண விருதுகளை அறிவித்து இருக்கிறது. அதில் சுப்ரீம் சுந்தர் அவர்களை சென்ற வருடத்திற்கான சிறந்த சண்டை பயிற்சி இயக்குனராக தேர்ந்தெடுத்து கவுரவித்து இருக்கிறது. அவருடன் போட்டியிட்டது சாதாரண படங்களோ, சண்டை பயிற்சி இயக்குனர்களோ அல்ல. கத்தி, மெட்ராஸ் போன்ற வணிகரீதியாக பெரும் வெற்றிபெற்ற ஜாம்பவான்களின் படங்கள். இருப்பினும் வெறும் நான்கு இளைஞர்களை வைத்து, நம்பகத்தன்மைக்கு கொஞ்சமும் குந்தம் விளைவிக்காமல் சண்டைகாட்சி அமைத்து, மக்கள் அனைவரும் மிகவும் ரசிக்கவைத்த அந்த உழைப்பிற்கு கிடைத்த அங்கீகாரம் இது. “இது வெறும் தொடக்கம் தான் மாஸ்டர். இந்த வருடங்கள் பல விருதுகளை கோலிசோடா அள்ளிக்குவிக்கப்போகிறது, உங்களை பல மேடைகளில் விருதுகளோடு பார்க்கப்போகிறேன்” என்று எனது வாழ்த்துக்களை அவருடன் பகிர்ந்துக்கொண்டேன்.

கோலிசோடா படத்தின் சண்டைகாட்சி உங்களுக்கு பிடித்திருந்தால் உங்களின் கருத்துக்களையும் வாழ்த்துக்களை இங்கே பகிருங்கள். நிச்சயம் அவருக்கு அது தெரியப்பெறும். அங்கீகாரத்தையும், பாராட்டுகளையும் விட  பெரிய சன்மானத்தை ஒரு கலைஞனுக்கு யாரும் வழங்கிட முடியாது.

Supreme Sundar & Praveen Kumar C

இதோ விகடனில் இருந்து….

விகடன் அவார்ட்ஸ் 2014:

சிறந்த சண்டைப் பயிற்சி: சுப்ரீம்சுந்தர் (கோலிசோடா)

கோயம்பேடு மார்க்கெட்டையே அலறடிக்கும் அடியாள் கோஷ்டி. நான்கே நான்கு சுள்ளான்கள். இவர்களுக்கு இடையே சண்டை. ஒரு சினிமாகூடப் பார்க்காதவரும் சொல்லிவிடுவார்… அடியாள் கோஷ்டிதான் சுள்ளான்களை சுளுக்கெடுக்கும் என்று! ஆனால், மதம்கொண்ட ‘சுண்டெலி’களாக அடியாட்களைச் சுத்திச் சுத்தி வெளுத்தது சுள்ளான் படை. அந்த அடி, உதைகளை எந்த லாஜிக் உதறலும் இல்லாமல் நம்பவைத்தது சுப்ரீம் சுந்தரின் ஸ்டன்ட் கலாட்டா. பாய்ந்துவரும் அடியாட்களிடம் இருந்து லாகவமாகத் தப்பித்தல், கையில் கிடைக்கும் பொருட்களைக்கொண்டே மொத்துவது, கால்களின் இடுக்கு இடைவெளியில் நழுவி தோளில் ஏறி அமர்வது… என ‘டாம் அண்ட் ஜெர்ரி’ சண்டைக் காட்சிகளை கேண்டிட் சினிமாவாக்கியதில் அள்ளியது அப்ளாஸ். ‘சின்னப் பசங்க வெளையாட்டு’ என உதாசீனப்படுத்த முடியாமலும், ‘அடி ஒவ்வொண்ணும் இடி’ என ஹீரோயிச வகையில் சேராமலும் செம கெத்து காட்டியது இந்த ஆக்ஷன் குத்து!

//////////////////////////////////////////////////////////////////////////////////////////////////////////////////////////////////////

@ மேலும் சில புகைப்படங்கள்.

Goli Soda Movie Team

Goli Soda Sree Raam @ Home

Goli Soda Movie Team

Share

இந்தியன் எக்ஸ்பிரஸில் என் வலைப்பூ

ஆகஸ்ட் 19, 2013. என்னையும், என் வலைப்பூவையும் “சேலம் பிளாக்கர்ஸ்” பற்றிய கட்டுரையில் குறிப்பிட்டு சிறப்பித்தமைக்கு “இந்தியன் எக்ஸ்பிரஸ்” தினசரிக்கும், அதன் கட்டுரை ஆசிரியர் உமைமா அவர்களுக்கும் என் நன்றிகள். மைல்ஸ் டூ கோ….

இ-பேப்பர் லிங்க் – http://epaper.newindianexpress.com/149080/The-New-Indian-Express-Dharmapuri/19-08-13#page/2/2

கீழே உள்ள படத்தை கிளிக் செய்து, அதை பெரிதாக்கியும் படிக்கலாம்.

Indian Express Article about Praveen suvadugal and Salem bloggers

Share

நடைபயிலும் தாயில்லாமல் பிறந்த ஓர் குழந்தை

suvadugal-baby

புதிதாய் பிறந்த குழந்தை சில மாதங்களில் கவிழ்த்து, பிறகு தவழ்ந்து, மெல்ல மெல்ல தன் பாதத்தை எட்டி வைத்து நடை பயிலும் அந்த தருணத்தை காணக்கிடைக்கும் அதன் தாய்க்கு வரும் உணர்வு தான் இந்த பதிவில் எனக்கும். டிசம்பர் 17, 2008 இல் பிறந்த இந்த சுவடுகள் எனும் என் குழந்தை, இப்பதிவின் மூலம் தன் ஐம்பதாவது பாதசுவடை இணையத்தில் பதிக்கிறது.

என் வாழ்க்கை பயணத்தில் நான் காண்பதையும், ரசிப்பதையும், அறிந்து கொள்வதையும், படைப்பதையும் பதிக்கவே இந்த சுவடுகள் எனும் வலைப்பூ என்னில் சரியாக இரண்டு வருடங்களுக்கு முன்னர் பிரசவித்தது.  இக்கால இடைவெளியில் வெறும் ஐம்பது பதிவென்பது நிச்சயம் சாதனையல்ல. ஆனால் வேலை பளு காரணமாக எழுதுவதில் பல முறை தொய்வு இருந்தும் இப்பதிவின் தொடர் வாசகர்கள் மற்றும் விருந்தினர்கள் தங்கள் கமென்ட் மூலமும், மின்னஞ்சல் வாயிலாகவும், செல்பெசியிலும், சாட்டில் பேசியும் தந்த உற்சாகத்தால் தான் நிச்சயம் இது சாத்தியப்பட்டது.

இத்தருணத்தில் இவ்வலைப்பூவை பற்றிய சில சுவையான தகவல்களையும் பகிர்ந்து கொள்ளவும், என்னை எழுத ஊக்குவிக்கும் அனைத்து நண்பர்களுக்கும் நன்றி தெரிவிக்கும் விதத்தில் இந்த ஐம்பதாவது பதிவை எழுதுகிறேன்.

இதுவரை இவ்வலைத்தளத்தில் அதிகம் பார்க்கப்பட்ட முதல் ஐந்து பதிவுகள்

1, எந்திரன் திரைப்படம் இலவச டவுன்லோட்- இணையத்தில் முதல் முறையாய் (10,000+ பார்வைகள்)

இந்த பதிவு வெறும் விளையாட்டிற்காக பதிவிக்கப்பட்டு Viral Marketing எனும் யுக்தி மூலம் பிரபலபடுத்தப்பட்டு வெறும் இரண்டே நாட்களில் ஆயிரக்கணக்கான பார்வையாளர்களை திரட்டியது. மூன்றாவது நாள் மிக அதிக பார்வையாளர்கள் ஒரே நேரத்தில் குவிந்ததால் வலைத்தளம் சரிவர இயங்காமல் போகும் அபாயம் ஏற்பட்டு அந்த பதிவையே நான் தற்காலிகமாக நீக்கும் அளவிற்கு போய்விட்டது. இரண்டு மாதங்கள் கழித்து இதோ பத்து நாட்களுக்கு முன்பு தான் அந்த பதிவை அனைவரும் காணுமாறு மீண்டும் திறந்து வைத்துள்ளேன். வெறும் சில நாட்களிலேயே பத்தாயிரத்திற்கும் மேற்பட்ட பார்வையாளர்களை கவர்ந்து இழுத்தது என்னவென்று அந்த பதிவை படித்து தெரிந்து கொள்ளுங்கள். நான் எழுதியதில் மிக அதிக கருத்துக்களையும் பெற்ற பதிவும் இதுதான். அனைத்தும் சுவாரிசமானவையும் கூட.

2, காதல் கவிதைTags

பதிவு எழுத ஆரம்பித்து சிறிது காலத்தில் தான் உணர்தேன், என் வலைத்தளத்தில் அதிகம் படிக்கப்படுவது நானெழுதிய காதல் கவிதைகளே. மிகவும் இது சந்தோஷமாக இருந்தாலும், என் கவிதைகள் பல களவாடப்பட்டு, முகப்புத்தகத்திலும், சில வலைத்தளங்களிலும் என் அனுமதி இல்லாமல் உலா வந்து கொண்டிருக்கிறது. என் பெயரோ என் வலைத்தளத்தில் சுட்டியோ கூட வழங்கப்படவில்லை. என்ன செய்ய?  அது மட்டுமில்லாமல் என் கவிதைகளை படித்த பலர்  என்னில் சாட்டிலும், மின்னஞ்சலிலும் தொடர்பு கொண்டு என் கவிதைகளை மேற்கோளிட்டு, தாங்கள் விரும்பியவற்றை ஆழமாக விமர்சனம் செய்து பின் தங்கள் காதல் தோல்வி கதைகளை கொட்டிதீர்த்து சென்றனர். இதை என்னன்னு சொல்ல?

3, என்னை பற்றி

என்னுடைய இந்த வலைத்தளத்தில், “என்னை பற்றி” என்ற பக்கம் அதிகம் பார்வையிடபட்டுள்ளது என்பது ஒன்றும் ஆச்சர்யம் இல்லை என கருதுகிறேன். ஆனால் அதை ஆச்சர்ய பக்கமாக எண்ணி முகம் தெரியாத பலர் என்னை வாழ்த்தி மின்னஞ்சல் அனுப்பியது தான் ஆச்சர்யம். அனைவருக்கும் நன்றியை தவிர பதில் அனுப்ப என்னிடம் வேறு ஒன்றும் இல்லை.

4, சுறா விமர்சனம் – சொந்த காசில் சூனியம்

நானெழுதிய சினிமா விமர்சனத்தில் அதிகம் பேர் பாரட்டியது இதுவே. இது கண்டிப்பாக ஒரு சிறந்த விமர்சனம் இல்லை, சொல்லிக்கொள்ளும்படியாகவும் அதில் ஒன்றும் ஆழமாக இல்லை. இருந்தாலும் வித்தியாசமாகவும் ரசிக்கும்படியாக இருந்தது என்று அனைவரும் கூறியதால் அதே நடையுடன் விமர்சனங்கள் எழுத முயற்சித்துக்கொண்டிருக்கிறேன்.

5, அன்புள்ள அப்பாவிற்கு.. மகளின் உருக்கமான கடிதம்..

இது நான் படித்ததில் பிடித்தது. ஆங்கிலத்தில் இருந்து தமிழில் மொழிபெயர்த்தது மட்டுமே என் வேலை. ஆனால் கலகலப்பான ஒரு சிறுகதை. கொஞ்சம் ஒரு தனி நடையில் எழுத முயற்சித்தேன் அவ்வளவே.

இதுவரை நான் எழுதியதிலே அதிக நேரம் செலவிட்டு, அதிக சிரத்தை எடுத்து எழுதிய பதிவு இரண்டு இருக்கிறது.  ஸ்.. ஸப்பா. எழுதுவதையே கொஞ்சம் நாளைக்கு விட்டுடலாம் என் என்னை போட்டு எடுத்துவிட்டது. நான் ஒரு எழுத்தாளனில்லை, எழுத கொஞ்சம் நேரம் பிடிப்பேன் என்பது தான் எனக்கு பிரச்சனை…

இதோ அந்த இரண்டு பதிவுகள்

1.  ரயில் பயணங்களில் – சென்னை பயணம் பாகம் ஒன்று
2. ஐயம் வேணுகோபால் ப்ரம் டைடல் பார்க் – சென்னை பயணம் பாகம் இரண்டு

இதுவரை அதிக கருத்துக்களை பதிவு செய்த முதல் ஐந்து நபர்கள் பெயர் கீழே.

1, லோகேஷ் தமிழ் செல்வன்
2, செல்வக்குமார்
3, கௌசல்யா
4, ராதிகா
5, யோகேஷ்

ஆரம்பத்தில் ஒவ்வொரு முறை பதிவிட்ட பின்பு “யாருமே இல்லாத கடையில் டீ ஆத்துறோம்” என்ற எண்ணம் எனக்குள் வரவிடாமல் தங்கள் கருத்துக்கள் பதிவு செய்து ஊக்குவித்த நல்லுள்ளங்கள் தான் மேலே. நீங்கள் அளித்த ஊக்கத்திற்கு மிக்க நன்றி நண்பர்களே…  உங்களிடம் இன்னும் நிறைய எதிர்பார்க்கிறேன். Smile

அதிக பார்வையாளர்களை கொண்டு வந்து சேர்த்த முதல் ஐந்து காரணிகள்

1, கூகிள்
2, நேரடி பார்வையாளர்கள்
3, இன்டலி
4, முகப்புத்தகம்
5, ட்விட்டர்

இதில் முக்கியமாக நான் குறிப்பிட வேண்டியது ஒன்று இருக்கிறது. நான் உறங்கும் முன் ஏதேனும் ஒரு பதிவை எழுதிமுடித்தவுடன் இன்ட்லியில் சமர்பித்துவிட்டு உறங்கசென்றுவிடுவேன். மறுநாள் நான் எழும் முன்னரே போதுமான அளவுக்கு அதன் வாசகர்கள் அதற்கு ஓட்டளித்து என பதிவை ஒவ்வொருமுறையும் இன்ட்லியில் “பிரபலமான பதிவு” என்ற அந்தஸ்து கொடுத்து விடுவர். இதுவே அதிகம் என்னை எழுத தூண்டியத்தில் பெரும் பங்கு வகித்தது என்பதை மறுக்க முடியாது.

கூகிள் தான் என வலைதளத்தை பல புதிய பார்வையாளர்களுக்கு கொண்டு சேர்த்துக்கொண்டு இருக்கிறது.

இதோ அதில் முதல் ஐந்து அதிகம் பயன்படுத்தப்பட்ட “தேடு வார்த்தை” (Keywords)

1, காதல் கவிதைகள்
2, சுறா விமர்சனம்
3, மழை நீர் சேகரிப்பு
4, எந்திரன் விமர்சனம்
5, சுனாமி கவிதை

அதிக பார்வையாளர்கள் கொண்ட முதல் ஐந்து நாடுகள்

1, இந்தியா
2, இலங்கை
3, அமெரிக்கா
4, அரபு நாடு
5, சிங்கபூர்

மொத்த பதிவும் ஐம்பது – தொடர் வாசகர்களும் ஐம்பது!

suvadugal

ஐம்பது பதிவுகளை எழுதியதால் என்னவோ சரியாக இந்த நேரத்தில் மின்னஞ்சல் சந்தாதார்களின் எண்ணிக்கையும் ஐம்பது, சுவடுகள் முகப்புத்தக ரசிகர்களும் ஐம்பது மற்றும் கூகுள் நண்பர்களும் ஐம்பது சொச்சத்திலேயே தொடர்வது ஆச்சர்யமாக தான் இருக்கிறது.

கண்டிப்பாக இவ்வாசக நெஞ்கங்களுக்காக அனைவருக்கும் பயனுள்ள தகவல்கள் இனிமேல் நிறைய எழுத வேண்டும் என் எண்ணியுள்ளேன். இத்தளத்தின் நான் எழுதும் புதிய பதிவுகளை தொடர்ந்து நீங்களும் படிக்க வேண்டுமா? மேலே புகைப்படத்தில் உள்ள மூன்று அம்சங்களிலும் நீங்கள் இத்தளத்தை தொடர்ந்தால் புதிய பதிவுகள் உங்களை தேடியே வரும்.  இத்தளத்தின் வலப்பக்கத்தில் அதை நீங்கள் காணலாம்.

இதோ இந்த வலைப்பூவில் கடந்த இரு வருடங்களில் பதியப்பட்ட நாற்பத்தி ஒன்பது பதிவுகளையும் கீழே பட்டியலிட்டுள்ளேன். உங்களிடம் நான் கோருவது ஒன்றே ஒன்று தான். நீங்கள் இவ்வலைபதிவின் தொடர் வாசகராக இருப்பின் என்னுடைய சில கேள்விகளுக்கு ஓரிரு நிமிடங்கள் செலவு செய்து கருத்துக்கூற இயலுமா? புதிய பார்வையாளர்கள் கூட தாங்கள் கீழ உள்ள பட்டியலில் உள்ள பதிவுகளை படித்துவிட்டு பதில் சொல்லலாம்.

நாற்பத்தி ஒன்பது பதிவுகளின் முழு பட்டியல்

49. தாமஸ் அண்ணா என்கிற அஜயன் பாலா
48. ஒரு ஜல் புயல், நிறைய மழை, கொஞ்சம் தத்துவம்
47. இறந்த பின்னும் உயிர் வாழ்வதற்கு ஒரு அருமையான வழி
46. சேலம் ஜி.ஆர்.டீ. ஓட்டலில் ஒரு மாலை பொழுது
45. கையும் களவுமாக வீடியோவில் பிடிபட்ட பெண் இன்ஸ்பெக்டர்
44. சிறு கவிதைகள் – தொகுப்பு நான்கு
43. எந்திரன் விமர்சனம் – இளைஞர்களுக்கான கருத்துள்ள படம்
42. எந்திரன் திரைப்படம் இலவச டவுன்லோட்- இணையத்தில் முதல் முறையாய்
41. பாராட்டப்பட வேண்டிய முதல் கோவை பதிவர்கள் சந்திப்பு
40. சூப்பர் ஸ்டாரின் பக்தர்களுக்கு மட்டும்
39. சிரித்தே தொலைக்க வேண்டிய பாஸ் என்கிற பாஸ்கரன் – விமர்சனம்
38. ஐயம் வேணுகோபால் ப்ரம் டைடல் பார்க் – சென்னை பயணம் பாகம் இரண்டு
37. நடிகர் முரளியின் இதயம் இன்னும் சிறிது காலம் கழித்து நின்றிருக்கலாம்
36. ரயில் பயணங்களில் – சென்னை பயணம் பாகம் ஒன்று
35. சிறு (சினிமாக்) கவிதைகள் – தொகுப்பு மூன்று
34. நண்பா இதோ கூகிள் எனக்கு அனுப்பிய காசோலை
33. பெண் சிசுக்கொலை
32. ஜம்முனு ஜிம்முக்கு ஒரு ரவுண்டு
31. பஞ்சாயத்து பால்டாயில் குடிச்சிட்டான் – களவாணி விமர்சனம்
30. சிறு கவிதைகள் – தொகுப்பு இரண்டு
29. எனக்கு இன்னும் ஞாபகம் இருக்கிறது அம்மா
28.
வியக்க வைக்கும் அழகு குட்டி செல்லம்
27. சுறா விமர்சனம் – சொந்த காசில் சூனியம்
26. என் காதல் சொல்ல நேரமில்லை
25. சிறு கவிதைகள் – தொகுப்பு ஒன்று
24. என் பார்வையில் பையா திரைப்படம் – விமர்சனம்
23. என் பார்வையில் விண்ணைத்தாண்டி வருவாயா
22. உன்னை பார்த்த நாள் முதல்
21. நினைத்து நினைத்து பார்த்தேன்
20. பெண்ணும் ஐம்பூதமும்
19. உலக நாயகனும் மயிர்க்கூச்சரியும உலக நிகழ்வுகளும்
18. ஒரு தேவதை பார்க்கும் நேரம் இது
17. நீங்கள் ஒரு அக்மார்க் தமிழனா? இதோ ஒரு பரிசோதனை!!!
16. அராரிராரோ – ராம் திரைப்பட வீடியோ பாடல் என் குரலில்
15. காதல் யுத்தம்
14. எனக்காக பிராத்தனை செய் சகோதரா
13. அன்புள்ள அப்பாவிற்கு.. மகளின் உருக்கமான கடிதம்..
12. சேலத்தில் மழை நீர் சேகரிப்பு திட்டம்
11. நியூ யார்க் நகரம் – ஜில்லுனு ஒரு காதல் திரைப்பட வீடியோ பாடல் என் குரலில்
10. என் பார்வையில் அயன் திரைப்படம்.
9. போகாதே போகாதே – தீபாவளி திரைப்பட வீடியோ பாடல் – என் குரலில்
8. ஆஸ்கார் தமிழனின் எல்லா புகழும் இறைவனுக்கே
7. தமிழில் எழுத வாரீகளோ? தமிழில்..
6. என் பார்வையில் கஜினி தமிழும், கஜினி ஹிந்தியும்
5. கண்ணீர் இருப்பில்லை – சுனாமி கவிதை
4. புத்தாண்டு நல்வாழ்த்துக்கள் – 2009
3. நெஞ்சுக்குள் பெய்திடும், வாரணம் ஆயிரம் வீடியோ பாடல் – என் குரலில்
2. ஒ சாந்தி சாந்தி – வாரணம் ஆயிரம் வீடியோ பாடல் – என் குரலில்
1. மனிதமுயற்சி

இதோ உங்களுக்கு என் கேள்விகள்

1, கவிதைகள், பாடல்கள், தகவல்கள், சினிமா விமர்சனங்கள், அனுபவக்கதைகள் போன்ற பல்வகை பதிவுகள் காணக்கிடைக்கும் இத்தளத்தில் உங்களுக்கு பிடித்தது எந்த வகையான பதிவுகள்?

2, தொடர்ந்து எந்த வகையான பதிவுகளை நான் பதிவிக்க வேண்டுமென எண்ணுகிறீர்கள்? ஏன்?

3, இந்த நாற்பத்தி ஒன்பது பதிவுகளில் உங்களுக்கு பிடித்த பதிவுகள் எவை? (ஒன்றுக்கு மேற்பட்டதாக கூட இருக்கலாம்)

4, முழுப்பதிவாக இல்லாவிடிலும் ஒரு குறிப்பிட்ட பாடலோ, சிறு வாக்கியமோ, கவிதையோ, உங்களுக்கு பிடித்தவற்றை மேற்கோளிலிட்டால் மிக்க மகிழ்ச்சி.

5, இவ்வலைதளத்திலோ, என் எழுத்துகளிலோ, அல்லது பொதுவாகவோ ஏதேனும் குறை தென்பட்டால், அல்லது யோசனை ஏதேனும் இருந்தால் இத்தளத்தின் மேலே “தொடர்பு கொள்க” பகுதியில் எனக்கு எழுதி அனுப்பி வைக்கவும். மிகவும் வரவேற்கிறேன்.

நன்றி பார்வையாளர்களே, மிக்க நன்றி வாசகர்களே

எழுத நிறைய இருக்கிறது ஆனால் நான் இன்னமும் எழுதவே ஆரம்பிக்கவில்லை.. இதோ (எழுத்து) நடை பயின்று கொள்ள இன்னும் நூற்றுக்கணக்கான பாதச்சுவடுகளை பதிக்கும் ஆசையில் மீண்டும் என் குழந்தை தன்  நடையை போடுகிறது. கீழே விழாமல் நீங்கள் அதை கடைசிவரை அதன் கரம் பிடித்து அழைத்துக்செல்வீர்கள் என்ற நம்பிக்கையுடன்…  பயணம் தொடரும்……

Share